• 0Shopping Cart
Krummafilms.com
  • Forsíða
  • K-KANAL
  • Shop
    • Cart
    • Checkout
    • My Account
  • Á döfinni
  • Um okkur
    • Starfsmenn
  • Search
  • Menu

Svona fólk. Heimildamynd og þáttaröð eftir Hrafnhildi Gunnarsdóttur

Fyrri hluti heimildakvikmyndarinnar er frumsýnd í Bíó Paradís 27. nóvember.

Hrafnhildur Gunnarsdóttir er um þessar mundir að leggja síðustu hönd á heimildakvikmynd og 5 þætti fyrir sjónvarp sem nefnast Svona fólk.

Fyrri hluti Svona fólks fyrir kvikmyndahús verður frumsýnd í Bíó Paradís 27. nóvember og síðar í vetur á RÚV. Þættirnir eru fimm en fyrrihluti heimildamyndarinnar er um 90 mínútur.

Svona fólk fjallar um líf og reynslu homma og lesbía á Íslandi og spannar frásögnin fjóra áratugi, allt frá því að fyrsti vísir að hreyfingu þeirra kviknaði um miðjan áttunda áratuginn og þar til mikilvægar réttarbætur til handa samkynhneigðum voru í höfn á nýrri öld.

Í fyrsta þættinum er sjónum beint að þöggun, þögn og niðurlægingu fyrri ára, síðan segir frá fyrstu árum Samtakanna ́78 og baráttu frumherjanna, þá er fjallað um alnæmi og þá þjáningu sem sjúkdómurinn kallaði yfir samfélag samkynhneigðra og í fjórða þættinum segir frá baráttunni fyrir réttlátri löggjöf, einkum á sviði fjölskylduréttar. Loks eru þræðir dregnir saman í fimmta og lokaþættinum og litið yfir sviðið.

Öðrum þræði er hér rakin saga kynferðispólitískrar hreyfingar, en umfram allt miðlar kvikmynd Hrafnhildar reynslu hvunndagsfólks sem tókst á við ríkjandi kerfi, fordóma og skilningsleysi, og lagði margt í sölurnar í von um að fá að lifa í friði og sátt við eigin þjóð án þess að fara með veggjum og leyna dýrmætum tilfinningum. Kvikmyndin er byggð á miklu og fjölbreyttu safni heimilda og um fjörutíu heimildarmenn tjá sig í þættinum um atburði þessara ára.

Hrafnhildur hóf að safna heimildum 1992 eða fyrir hartnær 26 árum en markmiðið með þessu verki er öðrum þræði að varðveita sögu um einstæða mannréttindabaráttu í lifandi mynd því að fljótt fennir i sporin. Hrafnhildur vildi líka minna á að hægt er að vinna bug á fordómum og ofsóknum með skipulegum og uppbyggilegum hætti. Það sýndi sig að það borgaði sig að berjast þótt sá hópur sem lagði af stað í þessa baráttu grunaði síst upp úr 1980 að þau myndu upplifa þjóðfélagsbreytingar sem jöðruðu við byltingu og breyta ásýnd Íslands í hópi þjóðanna.

Frekari upplýsingar veitir Halla Kristín Einarsdóttir, hallaein@gmail.com og
Hrafnhildur Gunnarsdóttir, hrabba@krummafilms.com, 821-1110

Á döfinni

  • Nordisk Panorama 2015Ísland í fókus á Nordisk Panorama18/09/2015 - 09:31

    Gestir á Nordisk Panorama í ár hafa fjölmörg tækifæri til að hitta fyrir einstakt hæfileikafólk sem geislar af sköpunargleði og sem á það sameiginlegt að koma frá Íslandi. Fleiri íslenskar heimilda- og stuttmyndir eru sýndar á hátíðinni  og íslendingar eru í forsvari fyrir fjölmörgum vinnufundum (workshops) og uppákomum.

  • Hvað er svona merkilegt við það? Krummafilms“Hvað er svona merkilegt við það” vann Skjaldborg18/06/2015 - 11:33

    Heimildamynd Höllu Kristínar Einarsdóttur „Hvað er svona merkilegt við það?“ hlaut Einarinn, áhorfendaverðlaun Skjaldborgarhátíðarinnar sem lauk í gærkvöldi. Myndin er framhald annarrar myndar Höllu Kristínar, Konur í rauðum sokkum, sem einnig hlaut sömu verðlaun 2009. Hrafnhildur Gunnarsdóttir framleiddi myndina fyrir Krumma Films.

  • World Outgames, bidReykjavik World Outgames 2017 – Bid Video18/06/2014 - 12:14

    This introductory video accompanies Reykjavík’s bid to host the World Outgames in 2017.

K-kanal

  • Svona fólk, heimildakvikmynd og sjónvarpsþættir eftir Hrafnhildi Gunnarsdóttur, krummafilms.comSvona fólk. Ný heimildamynd og þáttaröð fyrir sjónvarp.20/11/2018 - 11:04
  • Hvað ser svona merkilegt? Krummafilms 2015Hvað er svona merkilegt við það?18/06/2015 - 17:44
  • Með hangandi hendi, KrummafilmsMeð hangandi hendi17/06/2015 - 19:45
  • Örlagadagur með Sirrý, KrummafilmsÖrlagadagurinn17/06/2015 - 19:38
  • Gulli Helga, KrummafilmsGulli byggir17/06/2015 - 19:32

Hafa samband

Krummafilms
Gufunesvegur 1,
112 Reykjavík, IS
sími: +354 821 1110
mail: hrabba@krummafilms.com
  • isÍslenska

Efnisorð

Barði Guðmundsson Beirút Bryndís Hlöðvarsdóttir Bíó Paradís Corpus camera Erica Marcus fegurð Gay Pride Gulli byggir Gunnlaugur Helgason heimildakvikmynd heimildamynd heimildamyndir Hnífsdalur Hrafnhildur Gunnarsdóttir Hrein og bein Hvað er svona merkilegt við það? Krummafilms kvennaframboð kvennaknattspyrna Kvennalistinn Lifandi í limbó Líbanon Mamma veit hvað hún syngur Múm Nordisk Panorama Palestína Raggi Bjarna Ragnar Bjarnason rauðir sokkar samkynhneigð Sigurjón B. Hafsteinsson Sirrý sjónvarpsþættir Skjaldborgarhátíðin Stelpurnar okkar stuttmyndir Svona fólk Thulemusik Tina Naccache World outgames Árni Sveinsson Örlagadagur Þorvaldur Kristinsson Þóra Tómasdóttir
Scroll to top